27 sentyabr – Anım Gününə həsr olunan "Bir damla qan, min ümidə can" devizi ilə qanvermə aksiyası Quba-Xaçmaz bölgəsində davam edib.
Shimal.News xəbər verir ki, aksiyada bölgədə fəaliyyət göstərən Marsol Region tərəfdaşları, şirkət əməkdaşları və yerli sakinlər iştirak ediblər.
Könüllülər qanverməklə xeyirxah təşəbbüsə dəstək göstəriblər. Qanvermədən əvvəl donorların sağlamlıq vəziyyəti mütəxəssislər tərəfindən yoxlanılıb, tibbi müayinədən sonra qan götürülüb.
Aksiya KOBİA və İCMA-nın birgə təşkilatçılığı, Marsol Group, Quba İş Adamlarına Dəstək İctimai Birliyi, Məlhəm Beynəlxalq Hospital, Milli Hematologiya və Transfuziologiya Mərkəzi və Respublika Qan Bankının tərəfdaşlığı ilə keçirilib.
Qeyd edək ki, "Bir damla qan, min ümidə can" aksiyası 25 sentyabrda Bakıda da davam edəcək.
