Fövqəladə Hallar Nazirliyi (FHN) fövqəladə hallarla bağlı davranış qaydaları barədə əhalinin maarifləndirilməsi məqsədilə silsilə tədbirlər keçirib. Bu barədə ShimalNews 27 yanvar tarixində məlumat verir.
Tədbir Şimal Regional Mərkəzi tərəfindən Xaçmaz şəhər Çingiz Abdullayev adına 2 nömrəli tam orta məktəbində təşkil olunub.
Məktəblilərə fövqəladə halların təsnifatı, ölkəmiz üçün xarakterik olan fövqəladə hallar, o cümlədən yanğınların başvermə səbəbləri və bu zaman zəruri davranış qaydaları barədə ətraflı məlumat verilib. Eləcə də FHN-in “112” qaynar telefon xəttinin təyinatı izah olunub, ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
İnteraktiv formada keçirilən tədbirlər zamanı suallar ətraflı cavablandırılıb.
