Yanğına görə ən çox sığorta ödənişi Qusar, Şabran, Ağsu, İsmayıllı, Neftçala, Ağcabədi və Biləsuvar rayonlarında həyata keçirilib.
Shimal.News xəbər verir ki, Aqrar Sığorta Fondu tərəfindən bu müraciətlərin araşdırılması zamanı 16 hadisə üzrə əkin sahəsinə zərər dəydiyi müəyyən edilib.
Sığorta ödənişləri hesablandıqda bəzi sahələr üzrə dəymiş zərərlərin azadolma məbləğindən daha az olduğu dəqiqləşib. Nəticədə azadolma məbləğləri çıxılmaqla fermerlərə 28 min 762 manat sığorta ödənişi edilib.
Fermerlərə dəstək məqsədilə aqrar sığorta haqqının 50 faizi dövlət tərəfindən ödənilir, nəticədə fermerlər cüzi ödəniş etməklə təsərrüfatlarını sığorta edə bilirlər.
