Qusarda yaşayan həssas kateqoriyadan olan vətəndaşlar üçün Dövlət Miqrasiya Xidməti səyyar xidmətlər göstərib. Bu haqda ShimalNews 28 mart tarixində məlumat verir.
Sağlamlıq imkanları məhdud şəxslərə Xaçmaz Regional Miqrasiya İdarəsi tərəfindən yaşadıqları ünvanlarda müvəqqəti yaşamaq üçün icazə vəsiqələri, vətəndaşlıq mənsubiyyətinin müəyyənləşdirilməsi ilə bağlı arayış və digər sənədlər təqdim edilib.
Eyni zamanda onlardan müvəqqəti yaşamaq üçün icazə vəsiqələrinin alınmasında tələb olunan sənədlər qəbul edilib və müraciətlərə uyğun tələb olunan sənədlərin siyahısı izah edilib.
