"Dayanıqlı və Operativ Sosial Təminat Agentliyi" Publik Hüquqi Şəxsi (DOST Agentliyi) Şimalda yerləşən inzibati binaların əsaslı təmir işlərinin satın alınması ilə bağlı bir neçə açıq müsabiqə elan edib.
Shimal.News xəbər verir ki, Qax, Zaqatala və Qəbələ şəhərlərində yerləşən DOST Agentliyinin inzibati binalarının əsaslı təmir işləri ilə bağlıdır. Ehtimal olunan dəyəri isə 2 milyon 671 min manat olaraq müəyyən edilib.
Digər müsabiqə Xaçmaz və Qusar şəhərlərində yerləşən inzibati binaların əsaslı təmirini nəzərdə tutur. Bu satınalma üzrə müsabiqənin ehtimal olunan qiymət isə 2 milyon 180 min 403 manatdır.
