Dövlət İmtahan Mərkəzi 2024/2025-ci tədris ili üçün orta ixtisas təhsili müəssisələrinə ümumi (9 illik) orta təhsil bazasında tələbə qəbulu elan edir. Bu haqda ShimalNews 27 mart tarixində məlumat verir.
Ərizələrin qəbulu aprelin 15-dək internet vasitəsilə aparılacaq. Abituriyentlər Dövlət İmtahan Mərkəzinin internet saytının ekabinet.dim.gov.az internet səhifəsində "Şəxsi kabinet" yaratdıqdan sonra şəxsi kabinetin istifadəçi adı və parolundan istifadə etməklə səhifəyə daxil olub, "Abituriyentin elektron ərizəsi" formasını doldurur və ərizəni təsdiq edirlər (etdirirlər).
Müsabiqədə iştirak ödənişlidir.
Əvvəlki illərin məzunları üçün qəbul imtahanı 5 may 2024-cü il tarixində keçirilir. Abituriyentlər müsabiqədə iştirak etmək üçün Azərbaycan dili və ya rus dili (tədris dilinə uyğun olaraq), riyaziyyat və xarici dil fənlərindən qəbul imtahanı verirlər.
Qəbul (buraxılış) imtahanlarının nəticələri 2 il qüvvədə olur. Həmin nəticələr əsasında abituriyent müvafiq illər üzrə müsabiqə şərtlərini ödədiyi halda cari və növbəti tədris ilində orta ixtisas təhsili müəssisələrinə ümumi orta təhsil bazasında keçirilən tələbə qəbulu üzrə müsabiqədə iştirak edə bilər.
Digәr abituriyentlәr elektron әrizәlәrini doldurduqdan sonra tәlәb olunan sәnәdlәri şәxsәn tәqdim etmәklә elektron әrizәlәrini Sәnәd Qәbulu Komissiyasında (SQK) tәsdiq etdirirlәr.
SQK DİM-in Xaçmaz Regional Bölmәsi hәr gün (şәnbә, bazar vә bayram günlәri istisna olmaqla) saat 10-dan 17-dәk (Xaçmaz ş., M.Ә.Rәsulzadә küç., 7b) fəaliyyət göstərir.
