Azərbaycanın şimal rayonlarında fevralın 5-nə olan faktiki hava açıqlanıb.
Bu barədə Milli Hidrometeorologiya Xidmətindən məlumat verilib.
Bildirilib ki, qarın hündürlüyü Zaqatalada (Əlibəy) 36, Qaxda (Sarıbaş) 31, Şəkidə (Kişçay) 20, Qrızda 14, Şahdağda 13, Xınalıqda 8, Qusarda (Laza) 7, Quba və Xızıda 4, Şamaxıda 3 sm-dir.
Düşən yağıntının miqdarı Qəbələdə 34, Oğuzda 15, Balakəndə 14 mm-dək qeydə alınıb.
Balakən, Zaqatala, Qax (Sarıbaş), Şəki, Qəbələ, Şamaxı, Qusar, Qubada duman müşahidə olunub. Görünüş məsafəsi 500 metrədək məhdudlaşıb.
Dağlıq rayonlarda 14 dərəcəyədək şaxta qeydə alınıb.
