Nahid Rza oğlu Bağırov 4 aprel 1979-cu ildə Bakı şəhərində anadan olub. O, 5 mart 2020-ci ildən İsmayıllı Rayon İcra Hakimiyyətinin başçısıdır.
Nahid Bağırov orta təhsilini Bakı şəhəri 242 və 151 saylı məktəblərdə alıb. O, 1999-cu ildə Azərbaycan Beynəlxalq Universitetinin hüquq fakültəsinə daxil olub, 2006-cı ildə isə Bakı Dövlət Universitetinin beynəlxalq hüquq fakültəsini bitirib.
Bağırov 1998-2000-ci illlərdə Bakı şəhəri Sabunçu rayon məhkəməsində katib, 2001-2005-ci illərdə “Sirr” hüquq şirkətinin vitse-prezidenti vəzifələrində çalışıb. O, 2009-cu ildən etibarən Azərbaycan Turizm Assosiasiyasının idarə heyətinin sədri olub.
İcra başçısı 2011-2013-cü, 2013-2015 və 2015-2017-ci illərdə Birləşmiş Millətlər Təşkilatı nəzdində Ümumdünya Turizm Təşkilatının Qoşulan üzvlər şurasının Avropa üzrə vitse-prezidenti seçilmişdir.
Bağırov 2014-cü ildə Azərbaycan Respublikası Mədəniyyət və Turizm Nazirliyi tərəfindən turizm sahəsində fərqləndiyinə görə “Fəxri Turizm İşçisi”, 2018-ci ildə Mülki Aviasiya Administrasiyası tərəfindən “Fəxri Aviasiya İşçisi” adlarına layiq görülüb. O, 2019-cu ildə Azərbaycan Respublikası Prezidenti tərəfindən “Tərəqqi” medalı ilə təltif edilib.
Nahid Bağırov 2018-ci ildə Azərbaycan Sahibkarlar Təşkilatları Konfederasiyasının idarə heyətinin üzvü seçilib.
İstinad edilən mənbələr:
