Belçika Federal Parlamentinin Nümayəndələr Palatasının yəhudi əsilli deputatı Mixael Fraylix və onun jurnalist xanımı Nexama Blox Quba rayonuna səfər ediblər. Bu barədə ShimalNews 6 iyul tarixində RİH-yə istinadən məlumat verir.
Səfərdə Milli Məclisin Azərbaycan - Belçika parlamentlərarası işçi qrupunun rəhbəri, deputat Kamal Cəfərov və Dini Qurumlarla İş üzrə Dövlət Komitəsinin əməkdaşı Səfər Səfərli iştirak ediblər.
Qonaqlarla Quba Rayon İcra Hakimiyyətində görüş keçirilib. Sonra isə onlar dağ yəhudilərinin kompakt şəkildə məskunlaşdığı Qırmızı Qəsəbə, buradakı sinaqoqlar, Ümumdünya Dağ Yəhudilərinin Tarix-Etnoqrafiya Muzeyi ilə tanış olmuş və Quba şəhərində “Soyqırımı Memorial Kompleksi”ni ziyarət etmişlər.
