Quba şəhərində fermerlər və sahibkarlarla görüş keçirilib. Bu haqda ShimalNews 27 mart tarixində məlumat verir.
Tədbir “DilMus Aqrolab” və “Aqrobicore” MMC-nin birgə əməkdaşlığı çərçivəsində baş tutub. Görüş zamanı fermerlərə “Bağlarda ən çox rast gəlinən problemlər və laboratoriyanın bu problemlərin həllində rolu ” mövzusunda məlumatlar verilib, “suya, gübrəyə, dərmanlara qənaət etməklə yaxşı məhsul almaq, bol və yaxşı görkəmli müəyyən kolibrə malik meyvə yetişdiriciliyi, çiçək və meyvə tökülmə problemləri, uzun müddət saxlanılması mümkün məhsul becərmək, laborator müayinə və diaqnostikanın bağlarda yaşanan problemlərin həllinə necə kömək edə bilər?” mövzularına toxunulub.
