Azərbaycan Respublikasının Kənd Təsərrüfatı Nazirliyinin Aparat rəhbəri Azad Cəfərli yanvarın 16-da Xaçmazda sakinləri qəbul edib.
Shimal.News xəbər verir ki, görüş Dövlət Aqrar İnkişaf Mərkəzinin (DAİM) inzibati binasında baş tutub.
Vətəndaşların müraciətləri əsasən işlə təmin olunma, subsidiya ödənişləri, torpağın aqrokimyəvi analizi, tingçilik, suvarma suyu ilə təminat və digər məsələlərlə bağlı olub.
Daha sonra Azad Cəfərli DAİM-in kollektivi ilə görüşüb, iş prosesinin təşkili ilə maraqlanıb, öz tövsiyə və tapşırıqlarını verib.
Vətəndaş qəbulu başa çatdıqdan sonra Azad Cəfərli Xaçmaz rayonunun Canaxır kəndində fermer Fərman Ağayevə məxsus 5 hektar intensiv şaftalı və 3 hektar intensiv gilas bağına baxış keçirib, bağlarda müasir aqrotexniki qulluq qaydalarının tətbiqinin zəruriliyi, intensiv bağçılığın genişləndirilməsi istiqamətində stimullaşdırıcı tədbirlər və aqrar sahənin digər aktual məsələləri ətrafında fikir mübadiləsi aparıb.
