Oktyabrın 1-dən Azərbaycanda alkoqollu içkilərin və tütün məmulatlarının tranzit daşınması zamanı gömrük borcunun ödənilməsini təmin etmək məqsədilə depozit tətbiq olunacaq.
Dövlət Gömrük Komitəsinin məlumatına əsasən, təminat məbləği hər nəqliyyat vasitəsi üçün minimum 200.000 ABŞ dolları ekvivalentində müəyyən edilib.
Gömrük bəyannaməsi təsdiq edildikdən sonra, vəsait Azərbaycan Mərkəzi Bankının məzənnəsinə uyğun olaraq manatla banka depozit şəklində qoyulmalı və gömrük orqanına təsdiqedici sənəd təqdim olunmalıdır.
