Xaçmaz şəhərinin Zəfər parkında yerləşən uşaq meydançası baxımsız vəziyyətə düşüb.
Məsələ ilə bağlı Shimal.News-a danışan sakinlərin sözlərinə görə, meydançadakı sürüşkənlərin bir hissəsi sınıb, yelləncəklər isə sökülərək götürülüb. Uşaqların oynadığı ərazinin döşəmə örtüyü də dağılıb, bəzi hissələri yararsız vəziyyətə düşüb.
Meydançadakı sınıq və zədələnmiş avadanlıqlar uşaqların təhlükəsizliyi ilə bağlı narahatlıq yaradır.
Sakinlər meydançanın yenilənməsini, sıradan çıxmış avadanlıqların bərpa olunmasını və ərazinin uşaqlar üçün təhlükəsiz vəziyyətə gətirilməsini istəyirlər.
