ADPU-nun Quba filialı regionda ali təhsilin fəaliyyətində uğurlar qazanıb. Bu haqda ShimalNews 14 iyul tarixində adıçəkilən təhsil müəssisəsinə istinadən məlumat verir.
Belə ki, son 3 ilin statistikasına əsasən, Quba filialına qəbul olunan tələbələr ümumilikdə bu ixtisas üzrə ən yüksək qəbul nəticəsini göstəriblər. Maksimum keçid balları 550-600 bal, minimum keçid balları isə 350-400 bal arasında olub.
2021-2022-ci tədris ilinin qəbul planında filial üçün Riyaziyyat və informatika müəllimliyi ixtisası üzrə 30 tələbə sifariş edilmişdir. Nəticədə 30 tələbədən 21 nəfər (70%) dövlət sifarişi ilə təhsil hüququ qazanmışdır.
Bu il Riyaziyyat və informatika müəllimliyi ixtisasının 704-cü qrupdan məzun olan 26 tələbədən 3 nəfər fərqlənmə diplomu almış, 6 məzun isə yüksək ballarla reytinqli universitetlərin magistratura ixtisaslarına daxil olublar.
Filialın əsas məqsədi bütün ixtisaslar üzrə (10 ixtisas) yüksək nəticələr əldə etməkdir. Eləcə də tezliklə ADPU-nun Quba filialı magistratura pilləsi üzrə də təhsil verəcəyinə iddialıdır.
[caption id="attachment_20664" align="alignnone" width="300"]
Foto Quba ADPU[/caption]
