Yanvarın 21-nə olan faktiki hava açıqlanıb.
Milli Hidrometeorologiya Xidmətindən
Shimal.News-a verilən məlumata görə, ölkə ərazisinin əksər yerlərində yağıntılı hava şəraiti davam edir. Sulu qar, qar yağır.
Yağan qarın hündürlüyü Əlibəydə (Zaqatala) 42, Sarıbaşda (Qax) 28, Kişçayda (Şəki) 24, Xızıda 22, Qrızda 20, Xaltanda 18, Lazada (Qusar) 15, Şamaxıda 13, İvanovka (İsmayıllı) və Xınalıqda 12, Şahdağda 9, Qubada 8, Oğuzda 7, Qəbələdə 5, Ağsuda 1 sm-dir.
Düşən yağıntının miqdarı Balakəndə 5, Şabranda 2 mm-dir.
Balakən, Qax, Şəki, Oğuz, Qəbələ, Şamaxı, Qrızda duman müşahidə olunur, görünüş məsafəsi 500 metrədək məhdudlaşır.
Havanın minimal temperaturu dağlıq rayonlarda 9, yüksək dağlıq ərazilərdə 18 dərəcəyədək şaxta qeydə alınıb.
Ölkə ərazisində yanvarın 21-i gündüzdən hava şəraitinin mülayimləşəcəyi, 22-25-də əksər rayonlarda əsasən yağmursuz keçəcəyi, temperaturun tədricən yüksələcəyi, mülayim cənub-qərb küləyinin üstünlük təşkil edəcəyi gözlənilir.
