Şabran rayonunda məktəblilər arasında insident baş verib.
Rayonun Məmmədağa Nəzirov adına 4 nömrəli tam orta ümumtəhsil məktəbinin XI "A" sinif şagirdi mübahisə zəminində digər məktəblərin iki şagirdi tərəfindən döyülüb. Hadisə zamanı məktəblinin burnu sınıb.
Məlumata görə, hadisəni törətməkdə şübhəli bilinənlər Şabran şəhər Roman Yusifov adına 2 nömrəli texniki fənlər təmayüllü məktəb-liseyin şagirdi və Şabran şəhər 5 nömrəli tam orta ümumtəhsil məktəbinin XI "B" sinif şagirdidir.
Daxili İşlər Nazirliyinin mətbuat xidmətinin Quba regional qrupundan bildirilib ki, məsələ nəzarətə götürülüb.
Şabran Rayon Mərkəzi Xəstəxanasından verilən məlumata görə, 2008-ci il təvəllüdlü şəxs xəstəxanaya hospitalizasiya olunub. Pasiyentdə burun sümüklərinin sınıqları aşkarlanıb və ona zəruri tibbi xidmətlər göstərilib. Vəziyyəti qənaətbəxş qiymətləndirilən şəxs evə buraxılıb.
Daha ətraflı Xezerxeberin videomaterialında.
