Şahdağda yaponiyalı peşəkar idmançılar tərəfindən xizək və snoubord üzrə master-klas keçirilib. Bu barədə ShimalNews 27 fevral tarixində Qış İdman Növləri Federasiyasına istinadən xəbər verir.
Qış İdman Növləri Federasiyasının və “Şahdağ” Turizm Mərkəzinin təşkilatçılığı və Yaponiyanın Azərbaycandakı səfirliyinin dəstəyi ilə xizək fristaylının “mogul” növündə ilk dəfə olaraq təlim baş tutub. Bu idman növünün incəlikləri və qaydaları nümayiş etdirilib.
Təlimin keçirilməsində məqsəd qış idman növlərini təşviq etmək, tanıtmaq, yerli idmançıların və mütəxəssislərin hazırlanmasına dəstək olmaqdır.
Tədbirdə qonaq qismində Yaponiyanın Azərbaycandakı fövqəladə və səlahiyyətli səfiri Cuniçi Vada da iştirak edib.
Xizək fristaylının “mogul” növü 1988-ci ildən Qış Olimpiya Oyunlarına rəsmi idman növü kimi daxil edilib.
[caption id="attachment_37374" align="alignnone" width="640"]
Foto Azərbaycan Qış İdman Növləri Federasiyası[/caption]
