Xaçmazda cüdo üzrə rayon açıq birinciliyi keçirilib. Bu haqda ShimalNews 14 may tarixində məlumat verir.
Olimpiya İdman Kompleksində təşkil edilən yarış Heydər Əliyevin anadan olmasının 101-ci ildönümünə həsr edilib. 2010-2012-ci il təvəllüdlü yeniyetmələr arasında keçirilən çempionatda 200 idmançı olmaqla 19 komanda iştirak edib.
Oğlanlar 11, qızlar isə 7 çəki dərəcəsində mübarizə aparıblar. Turnirin yekunlarına görə, komanda hesabında mükafatçı yerlər aşağıdakı kimi sıralanmışdır:
Oğlanlar:
1-ci yer - Respublika Olimpiya İdman Liseyi (ROİL);
2-ci yer - "2020" Cüdo İdman Klubu (Bakı);
3-cü yer - Xaçmaz Uşaq-Gənclər İdman-Şahmat Məktəbi;
Qızlar:
1-ci yer - Xaçmaz Uşaq-Gənclər İdman-Şahmat Məktəbi;
2-ci yer - "Arifoğlu" Cüdo İdman Klubu (Bakı);
3-cü yer - "Balaxanı" İdman Klubu (Bakı).
Qaliblər Quba-Xaçmaz Regional Gənclər və İdman İdarəsinin müvafiq dərəcəli diplom və xüsusi hazırlanmış medalları ilə təltif ediliblər.
