Qusardan olan idmançı voleybol üzrə oğlanlar arasında Azərbaycan çempionatının qalibləri arasındadır. Bu haqda ShimalNews 9 may tarixində məlumat verir.
Bakı şəhərində keçirilən ölkə birinciliyinin final mərhələsində “Murov Terminal” - “Azərreyl Bakı” komandaları mübazirə aparıblar. Çempionat 3:0 hesabı ilə “Murov Terminal”ın xeyrinə başa çatıb. Qusar şəhər 2 saylı tam orta məktəbinin şagirdi Emin Dadaşbalayev qalib komandanın tərkibində iştirak edib.
Azərbaycan çempionatı Gənclər və İdman Nazirliyinin və Azərbaycan Voleybol Federasiyasının birgə təşkilatçılığı ilə baş tutub.
