Qusar rayonunun Hil kəndində güləş zalının açılışı baş tutub.
Shimal.News xəbər verir ki, tədbirdə icra başçısı Sahir Məmmədxanov, Güləş Federasiyasının baş katibi Nəsimi Musayev, Avropa və Dünya çempionları, idarə, müəssisə, təşkilat rəhbərləri, rayona təşrif buyurmuş qonaqlar və məktəb şagirdləri iştirak ediblər.
Natiqlər sırasında qusarlı iş adamı, xeyriyyəçi Kərim İlyasov da olub. O, idman məktəbinin istifadəyə verilməsinin rayon idmanının inkişafına töhfə verəcəyini, idman ənənələrinin qorunub saxlanması və istedadlı gənclərin üzə çıxarılmasında vasitə rolunu oynayacağını dilə gətirib.
Sonra hər cür lazımi şərait yaradılan idman zalına baxış keçirilib, xatirə şəkli çəkilib, idmançıların nümunəvi çıxışları izlənilib. Açılış mərasimi çay süfrəsi ətrafında davam edib.
