Qusardan olan boksçu Azərbaycan birinciliyinə vəsiqə qazanıb. Bu haqda ShimalNews 25 aprel tarixində məlumat verir.
Yeniyetmə boksçuların zona birinciliyi Şəki Olimpiya İdman Kompleksində (OİK) keçirilib. İdman tədbirində Qusar OİK-nın təmsilçisi Abdul Şıxkərimov çıxış edib.
14 yaşlı idmançı (70 kq çəki dərəcəsi) bütün rəqiblərinə qalib gələrək, respublika birinciliyinə vəsiqə qazanıb. Boksçumuzun məşqçisi Elşən Şükürovdur.
