Qusarda cüdo idman növü üzrə rayon birinciliyi keçirilib. Bu haqda ShimalNews 18 oktyabr tarixində Quba-Xaçmaz Regional Gənclər və İdman İdarəsinə istinadən məlumat verir.
Uşaq-Gənclər İdman-Şahmat Məktəbinin güləş zalında baş tutan yarış "İdman hamı üçün" layihəsi çərçivəsində təşkil edilib. Birincilikdə 50 nəfər idmançı iştirak edib. 8 çəki üzrə qalib gələn idmançılar təşkilatçılar tərəfindən diplom və medallarla təltif olunublar.
Yarışın keçirilməsində məqsəd uşaq və yeniyetmələrin bu idman növünə marağının artırılması və cüdo idman növünün rayonda inkişaf etdirilməsidir.
