Qusar Olimpiya İdman Kompleksinin 2 idmançısı badminton üzrə ölkə birinciliyinin mükafatçısı olub. Bu haqda ShimalNews 9 may tarixində məlumat verir.
Həbibə Quliyeva qoşa qızların yarışında yalnız final görüşündə uduzaraq gümüş medala sahib olub. Həbibə qoşa qarışıq yarışda isə 3-cü yeri tutub. Əsma Məmmədova da qoşa qarışıq yarışda bürünc medala sahib olub. Qaliblər müvafiq diplom və medallarla mükafatlandırılıblar.
İdmançılar məşqçi Vahid Quliyevin yetirmələridir.
2012-2013 təvəllüdlü badmintonçular arasında ölkə birinciliyi Bakıda keçirilib. Gənclər və İdman Nazirliyi ilə Azərbaycan Badminton Federasiyasının birgə təşkilatçılığı ilə baş tutan yarışda 5 kateqoriya üzrə çıxışlar olub.
