Qusar "Üzməyi öyrənək" layihəsi çərçivəsində yarış keçirilib. Bu haqda ShimalNews 27 noyabr tarixində məlumat verir.
Olimpiya İdman Kompleksində baş tutan tədbirdə 1-5-ci sinif şagirdləri iştirak ediblər. 50-dək məktəblinin qatıldığı turnirin keçirilməsində məqsəd bu idman növünə marağın artırılması və rayonda inkişaf etdirilməsidir.
Sonda ilk 3 yerin sahibi Quba-Xaçmaz Regional Gənclər və İdman İdarəsinin diplomları ilə mükafatlandırılıb.
Yarış Quba-Xaçmaz Regional Gənclər və İdman İdarəsinin Qusar rayonu üzrə gənclər və idman sektoru və Qusar Olimpiya İdman Kompleksinin təşkilatçılığı ilə Gənclər və İdman Nazirliyi tərəfindən təşkil olunub.
