“İdmanın ürəyi Qubada döyünür” adlı spartakiadanın bağlanış mərasimi keçirilib. Bu haqda ShimalNews 13 may tarixində məlumat verir.
Azərbaycan Dövlət Pedaqoji Universitetinin (ADPU) Quba filialında direktor dosent Yusif Alıyevin, regional Gənclər və İdman İdarəsinin müdiri Nəcəf Novruzovun, 70 tələbənin iştirakı ilə mərasim baş tutub.
Spartakiadanın əsas məqsədi bədən tərbiyəsi və idmanın tələbələr arasında kütləvi inkişafına köməklik göstərmək, tələbələrin fiziki cəhətdən sağlam böyüməsinə və idman növləri ilə daim məşğul olmalarına zəmin yaratmaq, onların vətənpərvərlik, dövlətçilik ruhunda tərbiyəsində bədən tərbiyəsi və idmanın rolunun artırılmasına nail olmaq və antinarkotik dünyagörüşünün formalaşmasına bədən tərbiyəsi və idman vasitəsi ilə nail olmaqdır.
