Azərbaycanda ilk dəfə yeniyetmələr arasında "Caspian Junior Cup 2026" beynəlxalq qolf turniri təşkil olunub.
Shimal.News xəbər verir ki, yarış Qubada, "Quba Palace Hotel" nəzdində fəaliyyət göstərən "The National Azerbaijan Golf Club"da keçirilib.
Turnirdə Qazaxıstan, Özbəkistan və Qırğızıstanın milli qolf federasiyalarını təmsil edən gənc idmançılar iştirak ediblər. Yarış yeniyetmələr üçün təşkil olunan qolf düşərgəsinin yekun tədbiri olub.
Mükafatlandırma mərasimində diplomatik korpusun nümayəndələri, dövlət qurumlarının təmsilçiləri və media nümayəndələri də iştirak ediblər.
"Caspian Junior Cup 2026" uşaq və yeniyetmə qolfunun inkişafına dəstək vermək, regional idman əməkdaşlığını gücləndirmək və Azərbaycanın beynəlxalq qolf xəritəsində mövqeyini möhkəmləndirmək məqsədi daşıyır.
