Qubada 2015-ci il təvəllüdlü futbolçular arasında keçirilən III "Ulduz Cup" beynəlxalq turnirində növbəti oyun baş tutub.
Azərbaycan təmsilçisi "Ulduz" Futbol Akademiyası Özbəkistanın "Bunyodkor" komandası ilə qarşılaşıb. Görüş "Ulduz"un 3:0 hesablı qələbəsi ilə başa çatıb.
Qeyd edək ki, avqustun 27-dək davam edəcək turnirdə 7 ölkədən 12 komanda iştirak edir.
***
Qubada 2015-ci il təvəllüdlü futbolçular arasında üçüncü "Ulduz Cup" beynəlxalq futbol turniri start götürüb.
Avqustun 27-dək davam edəcək yarış Gənclər və İdman Nazirliyi, AFFA və "Ulduz" Futbol Akademiyasının təşkilatçılığı ilə keçirilir.
Quba Olimpiya İdman Kompleksinin stadionunda təşkil olunan turnirdə 7 ölkədən 12 komanda mübarizə aparır. Azərbaycanı "Ulduz", "Zirə", "Sabah", "Neftçi" və "Qarabağ", Özbəkistanı "Paxtakor" və "Bunyodkor", Gürcüstanı Tbilisinin "Dinamo"su, Polşanı "Drukarz", Türkmənistanı "Altın Taç", Qırğızıstanı "Sduşorsi", Qazaxıstanı isə "Kayrat" təmsil edir.
Qeyd edək ki, "Ulduz Cup" beynəlxalq futbol turniri üçüncü dəfə keçirilir. İlk yarışın qalibi Belarusun Minsk "Dinamo"su olub. "Ulduz" ikinci, "Bunyodkor" isə üçüncü yeri tutub.
Ötən il keçirilən ikinci "Ulduz Cup"da isə "Neftçi" turnirin qalibi olub. "Paxtakor" ikinci, Tbilisi "Dinamo"su üçüncü pillədə qərarlaşıb.
