Misli Premyer Liqasında 4-cü tura bu gün start veriləcək.
Shimal.News xəbər verir ki, turun ilk oyun günündə iki qarşılaşma keçiriləcək.
İlk olaraq "Qəbələ" doğma meydanda "İmişli"ni qəbul edəcək. Qəbələ şəhər stadionunda baş tutacaq görüş saat 18:00-da başlayacaq.
İlk üç turda cəmi 1 xal toplayan "Qəbələ" hazırda 10-cu pillədədir. "İmişli" isə 3 turdan sonra 6-cı sırada qərarlaşıb.
Günün digər matçında isə "Şamaxı" Gəncədə "Kəpəz"in qonağı olacaq. Qarşılaşma saat 20:15-də start götürəcək. "Şamaxı" 9-cu, "Kəpəz" isə 7-ci pillədə yer alıb.
Misli Premyer Liqası – 4-cü tur18:00. "Qəbələ" – "İmişli"
Qəbələ şəhər stadionu
Hakimlər: Rauf Cabarov, Rahil Ramazanov, Tərlan Talıbzadə, Rəvan Həmzəzadə
20:15. "Kəpəz" – "Şamaxı"
Gəncə şəhər stadionu
Hakimlər: Vüqar Həsənli, Rəhman İmami, Gülnurə Əkbərzadə, Namiq Bəkirov
Beləliklə, Qəbələ və Şamaxı üçün 4-cü tur fərqli meydanlarda, lakin eyni gündə başlayacaq. Qəbələ təmsilçisi mövsümdə ilk qələbəsini, Şamaxı isə turnir cədvəlində mövqeyini yaxşılaşdıracaq xalları axtaracaq.
