İsmayıllı kikboksinq komandası Gəncədən 17 medalla qayıdıb. Bu barədə ShimalNews 3 iyul tarixində Gənclər və İdman İdarəsinə istinadən məlumat verir.
Gəncə Şəhər Gənclər və İdman Baş İdarəsinin və AKF Zona və Gəncə filialının təşkilatçılığı ilə Samux Kikboksinq Klubunun yaranmasının 23 illiyinə həsr olunmuş kikboksinq idman növü üzrə açıq rayon birinciliyi Gəncə Olimpiya İdman Kompleksində baş tutub. Burada 12 şəhər və rayondan 550-dən çox idmançı-şagird iştirak edib.
Məşqçi-müəllim Bayram Qəhrəmanovun rəhbərliyi ilə İsmayıllı komandasının 10 idmançısı 1-ci yer, 4 idmançısı 2-ci yer və 3 idmançısı 3-cü yeri qazanıb.
