İsmayıllıda Vətən müharibəsi şəhidləri Orxan Lətifli və Tural Şıxızadənin xatirələrinə həsr olunmuş cüdo idman növü üzrə rayon birinciliyi keçirilib. Bu haqda ShimalNews 18 iyul tarixində Gənclər və İdman İdarəsinə (Gİİ) istinadən məlumat verir.
Yarış Dağlıq Şirvan Regional Gİİ təşkilatçılığı ilə İsmayıllı Olimpiya İdman Kompleksində baş tutub. Burada RİH-nin məsul əməkdaşları, Gİİ-nin rəisi və əməkdaşları, YAP İsmayıllı rayon təşkilatının sədri, Uşaq və Ailələrə Dəstək Mərkəzinin direktoru, İsmayıllı Olimpiya İdman Kompleksinin müdiri, eləcə də şəhid valideynləri iştirak ediblər.
50 nəfərə yaxın yeniyetmə və gənc idmançı yüksək iradə nümayişi ilə çıxış ediblər. Yekununda qaliblər təşkilatçılar tərəfindən medal, diplom və kuboklarla mükafatlandırılıblar.
