İsmayıllıdan olan gənc idmançı İsveçrənin Renens şəhərində sumo üzrə qızıl medala sahib olub. Bu haqda ShimalNews 15 noyabr tarixində məlumat verir.
Hacıhətəmli kənd sakini Rauf Yadigarlı U-18 yeniyetmələr arasında mütləq çəkidə qızıl qazanaraq Avropa çempionu olub, +100 kq çəkisində isə bürünc medala sahib olub.
Həmin yarışda Azərbaycan komandası 7 medal (2 qızıl, 3 gümüş, 2 bürünc) qazanaraq kişilər arasında ümumi hesabda 2-ci yerə layiq görülüb.
Rauf Yadigarlı atletika idman növü ilə məşğul olub. Bir neçə dəfə rayon birinciliyinin qalibi olub. Onun Hacıhətəmli kəndində idman müəllimi Ədalət Əhmədov, atletika idman növündə isə Olaq Ravçeev olub. Hazırda gəncimiz Respublika Olimpiya İdman Liseyində təhsil alır.
