İsmayıllı Olimpiya İdman Kompleksində 20 Yanvar - Ümumxalq Hüzn Gününə həsr olunmuş həvəskar idman yarışı keçirilib. Bu barədə ShimalNews 19 yanvar tarixində məlumat verir.
Stolüstü tennis turniri Gənclər və İdman İdarəsinin və Olimpiya İdman Kompleksinin birgə təşkilatçılığı ilə baş tutub.
Tədbirin keçirilməsində məqsəd şəhidlərimizin xatirəsini əbədiləşdirmək, stolüstü tennis idman növünün və ümumilikdə sağlam həyat tərzinin inkişaf etdirilməsindən ibarət olmuşdur.
Sonda qaliblər turnirin təşkilatçıları tərəfindən diplom və medallarla təltif ediliblər.
