İsmayıllı Dövlət Humanitar və Texnologiya Kollecində şahmat idman növü üzrə birincilik təşkil olunub. Bu haqda ShimalNews 30 sentyabr tarixində Dağlıq Şirvan Gənclər və İdman İdarəsinə (DŞRGİİ) istinadən məlumat verir.
Tədbirdə kollecin direktoru, DŞRGİİ-nin rəis müavini və idman sektor müdiri, müəllimlər,tələbələr və şagirdlər iştirak ediblər. Yarış “Heydər Əliyev İli”nə həsr olunub. Burada kollecin tələbələri və İsmayıllı Dövlət Peşə Təhsil Mərkəzinin şagirdləri güclərini sınayıblar. Sonda qaliblərə diplom və medallar təqdim edilib.
Turnirin keçirilməsində məqsəd Heydər Əliyevin xatirəsini əbədiləşdirmək, gənclərdə vətənpərvərlik və vətəndaşlıq tərbiyəsini inkişaf etdirmək, şahmat idman növünə marağı artırmaqdır.
