İsmayıllı rayonunda "Zəfərimiz əbədidir" şüarı altında kross yarışı keçirilib. Bu haqda ShimalNews 9 noyabr tarixində məlumat verir.
Lahıc qəsəbə tam orta məktəbində təşkil edilən tədbirin məqsədi məktəblilər arasında atletika idman növünə marağın artırılması və sağlam həyat tərzinin təbliğ edilməsidir. Yarış 2 yaş qrupu üzrə 500 m, 1000 m məsafələrdə keçirilib.
İdman tədbiri Dağlıq Şirvan Regional Gənclər və İdman İdarəsinin təşkilatçılığı ilə Bənövşə İsmayılovanın rəhbərliyi altında baş tutub.
