İsmayıllıda həndbol idman növü üzrə rayon birinciliyi keçirilib. Bu haqda ShimalNews 11 oktyabr tarixində Dağlıq Şirvan Regional Gənclər və İdman İdarəsinə (Gİİ) istinadən məlumat verir.
Tədbir “Beynəlxalq Qızlar Günü”ndə Olimpiya İdman Kompleksində baş tutub. “18 Oktyabr - Müstəqilliyin Bərpası Günü” münasibətilə təşkil olunan yarışda Gİİ-nin rəis müavini və idman sektorunun müdiri, fiziki tərbiyə müəllimləri,məktəbli qızlar iştirak ediblər.
İsmayıllı şəhər 5 nömrəli tam orta məktəb 1-ci yeri, İsmayıllı rayon Aqil Məmmədov adına Diyallı kənd tam orta məktəbi 2-ci yeri və İsmayıllı şəhər 7 nömrəli tam orta məktəb isə 3-cü yeri qazanıblar. Qalib komandalar kubok və diplomla mükafatlandırılıblar.
