İsmayıllı şəhərində kikboksinq idman növü ilə məşğul olmaq üçün daha bir zal fəaliyyətə başlayıb.
Shimal.News məlumat verir ki, Nizami küçəsində (İsmayıllı şəhər 5 saylı tam orta məktəbin yaxınlığında) "Xüsusi Təyinatlı Kikboksinq" İdman Klubunun növbəti filialı açılıb. Tədbirdə Dağlıq Şirvan Regional Gənclər və İdman İdarəsinin əməkdaşları da iştirak edib.
Klubun rəhbəri 5-ci dan qara kəmər ustası, Dünya çempionu Bayram Qəhrəmanov öz çıxışında bildirib ki, ənənəvi olaraq klubun yetirmələri ölkə birinciliyi və çempionatlarda uğurla çıxış edirlər.
Tədbirin rəsmi hissəsindən sonra qonaqlar klubun yetirmələrinin nümunəvi çıxışlarını izləyiblər.
Klub eyni zamanda da İsmayıllı Olimpiya İdman Kompleksində də fəaliyyət göstərir.
