Azərbaycan Futbol Federasiya (AFFA) İntizam Komitəsinin iclası keçirib. Toplantında 2-ci Liqanın 7-ci turunun oyunları ilə bağlı qərarlar çıxarılıb.
Shimal.News məlumat verir ki, iclasda aşağıdakı qərarlar qəbul olunub:
“Şahdağ Qusar" - "Şəki Siti" oyununda "Şəki Siti" komandası matçın ilkin protokolunu elektron bazada gec təsdiq etdiyinə görə 100 manat cərimə edilib.
"Qusar" - "Şəmkir" oyununda "Qusar" komandası oyun günü planının tələblərini pozduğuna görə 100 manat cərimə edilib.
"Ağdaş" - "Hypers Quba" oyununda ev sahibi komanda matçın ilkin protokolunu elektron bazada gec təsdiq etdiyinə görə 100 manat cərimə edilib. Bu oyunda Əsasnamənin tələbləri pozulduğuna görə "Ağdaş" komandası 50 manat cərimə edilib. Meydan sahiblərinin 5 futbolçusu sarı vərəqə aldığına görə "Ağdaş" komandası 70 manat cərimə edilib. "Ağdaş"ın futbolçusu Ülvi Sarıyev ikinci sarı vərəqə aldıqdan sonra hakimləri təhqir etdiyinə görə 4 oyun cəzalanıb. "Ağdaş" komandası buna görə 300 manat cərimə edilib.
