Xaçmaz rayonunun Aşağı Zeyid kəndində anadan olan Orxan Şahbaz oğlu Məmmədovun Rusiya-Ukrayna müharibəsində həlak olduğu bildirilir.
Shimal.News-un əldə etdiyi məlumata görə, Rusiya vətəndaşı olan Orxan Məmmədov martın 13-dən etibarən ailəsi ilə əlaqə saxlamayıb.
Yaxınlarının sözlərinə görə, təxminən 10 gün əvvəl Orxan Məmmədovun müharibədə həlak olması barədə ailəsinə məlumat verilib. Lakin onun nəşi hələ ailəsinə təhvil verilməyib.
Qeyd edək ki, Orxan Məmmədov daha əvvəl Rusiyada fəaliyyət göstərən telekanallardan birinə verdiyi müsahibədə Rusiya-Ukrayna müharibəsində könüllü şəkildə iştirak etdiyini bildirib.
Məlumata görə, Orxan Məmmədov Rusiyada ailə həyatı qurub və üç övladı var. Ailəsi hazırda onun nəşinin Azərbaycana gətirilməsini gözləyir.
