Hər kəsin tanıdığı istirahət məkanı Nabrana və onun ətrafında yerləşən kəndlərə aparan yolun təxminən 1 kilometrlik hissəsi illərdir asfaltlanmır.
Shimal.News xəbər verir ki, Xaçmaz rayonunun Nabran ərazisindən keçən magistral yolun əsas hissəsi 2019-cu ildə əsaslı təmir olunsa da, yarımçıq qalan daşlı hissəsinə indiyədək asfalt döşənməyib.
Bu vəziyyət həm yerli sakinlərin, həm də bölgəyə gələn turistlərin hərəkətini çətinləşdirir. Daşlı və tozlu yol yağışlı havalarda isə palçığa çevrilir.
Sürücülərin sözlərinə görə, avtomobillərinin zədələnməsinin qarşısını almaq üçün bəzən yolun həmin hissəsini keçmək əvəzinə çimərlik ərazisindən, qumluq sahədən hərəkət etməyə məcbur qalırlar.
Bu isə dəniz kənarında istirahət edən vətəndaşlar üçün əlavə narahatlıq və təhlükə yaradır.
