Narkotik vasitələrin satışının qarşısının alınması məqsədilə keçirilən əməliyyat zamanı iki nəfər saxlanılıb.
Shimal.News xəbər verir ki, bu barədə DİN-in Mətbuat Xidmətinin Şəki Regional Qrupu məlumat yayıb.
Qax Rayon Polis Şöbəsinin əməkdaşlarının keçirdiyi əməliyyat zamanı H.Həsənov və A.Qurbanov saxlanılıb. Onlardan ümumilikdə 7 kiloqramdan artıq narkotik vasitə aşkarlanıb.
Məlumata görə, saxlanılan şəxslər narkotik vasitələri satış məqsədilə əldə etdiklərini bildiriblər.
Faktla bağlı cinayət işi başlanılıb. Məhkəmənin qərarı ilə hər iki şəxs barəsində həbs qətimkan tədbiri seçilib.
