Qusar RMX-nın dəm qazından zəhərlənənlər barəsində məlumatı:
07.01.2026-cı il tarixində saat 00:50 radələrində dəm qazından zəhərlənmə şübhəsilə 2 nəfər (1 qadın, 1 kişi) Qusar Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Onlara dəm qazının toksiki təsiri diaqnozu təyin olunub və zəruri tibbi xidmətlər göstərilib.
1965-ci il təvəllüdlü şəxsin müalicəsi Təcili tibbi yardım şöbəsində davam etdirilir, vəziyyəti stabil qiymətləndirilir.
Vəziyyəti qənaətbəxş qiymətləndirilən 2025-ci il təvəllüdlü şəxs yaxınlarının istəyilə iltizamnamə əsasında ixtisaslı tibbi xidmətdən imtina edib.
Qeyd edək ki, hadisə nəticəsində 1962-ci il təvəllüdlü (kişi) şəxsin həkiməqədər ölüm faktı qeydə alınıb.
***
Bu gecə saat 01:00 radələrində Qusar rayonunun Əniğ kəndində 1962-ci il təvəllüdlü Riman Sultanmurad oğlu Əlisultanov, həyat yoldaşı - 1965-ci il təvəllüdlü Ə. Qasımova və nəvəsi - 2025-ci il təvəllüdlü E.Əlisultanov yaşadıqları evdə dəm qazından zəhərləniblər.
Bizim.Media-nın məlumatına görə, ev sahibi Riman Əlisultanov hadisə yerində vəfat edib. Həyat yoldaşı və nəvəsi isə xəstəxanaya yerləşdiriliblər.
Ölüm faktı ilə bağlı araşdırma Qusar rayon prokurorluğu tərəfindən aparılır.
