Azərbaycan Tibb Universitetinin birinci kurs tələbəsi yataqxanada vəfat edib.
Shimal.News xəbər verir ki, Azərbaycan Tibb Universitetinin Müalicə-profilaktika fakültəsinin tələbəsi Qəbələdə dəfn olunub.
Hadisə universitetin 1 saylı yataqxanasında 14 noyabr tarixində baş verib. Tələbə ilə birlikdə yaşayan bacısı meyiti hamam otağında aşkar edib.
Yataqxanada yaşayan tələbələrdən birinin sözlərinə görə, Elvira özünü narahat hiss etdiyini və başının ağrıdığını bacısına bildirib. Daha sonra hamam otağına gedib.
TƏBİB-dən bildirilib ki, hadisə yerinə təcili tibbi yardım briqadası göndərilib.Meyit müayinə olunması üçün Məhkəmə-Tibbi Ekspertiza və Patoloji Anatomiya Birliyinə təhvil verilib.
Ölümün səbəbi hələlik məlum deyil. Dəm qazından zəhərlənmə və ürək tutması ehtimalları səsləndirilsə də, dəqiq səbəb ekspertizanın rəyindən sonra müəyyənləşəcək.
Ətraflı Xəzər TV-nin videosunda: