Qax rayonunda yol-nəqliyyat hadisəsi baş verib.
Shimal.News xəbər verir ki, qəza Qax–İlisu avtomobil yolunun Qaradolaq yaşayış məntəqəsi ərazisindən keçən hissəsində qeydə alınıb.
İlkin məlumata görə, Qax istiqamətində hərəkətdə olan "Xəzər" markalı minik avtomobili idarəetmədən çıxaraq yol kənarında yerləşən qaz xəttinə çırpılıb. Zərbənin təsirindən nəqliyyat vasitəsi aşıb.
Hadisə nəticəsində xəsarət alanların olub-olmaması barədə hələlik rəsmi məlumat verilməyib.
Faktla bağlı araşdırma aparılır.
