Balakən rayonunda sel sularında bir nəfər itkin düşüb.
Shimal.News xəbər verir ki, hadisə rayonun Katex kəndi ərazisində baş verib.
İlkin məlumata görə, Katex kənd sakini, 1983-cü il təvəllüdlü Aslan Ramazan oğlu Rzayev Katex çayında sel sularının gətirdiyi odun parçalarını toplamaq istəyərkən ehtiyatsızlıqdan çaya yıxılıb. Güclü sel axını onu aparıb. İddia edilir ki, həmin şəxs sərxoş vəziyyətdə olub.
Hazırda ərazidə axtarış-xilasetmə tədbirləri davam etdirilir. Hadisə yerinə Fövqəladə Hallar Nazirliyinin əməkdaşları cəlb olunub.
Faktla bağlı araşdırma aparılır.
