Balakən rayonunda çay kənarında köməksiz vəziyyətdə qalan Zaqatala Dövlət Təbiət Qoruğunun əməkdaşı xilas edilib.
Shimal.News xəbər verir ki, Zaqatala Dövlət Təbiət Qoruğunun əməkdaşı Ramil Şaban oğlu Asxabov Balakən rayonu ərazisindən keçən Katexçayın Katex Kombinatı yaxınlığında çayın kənarında köməksiz vəziyyətdə qaldığını bildirərək kömək istəyib.
Məlumat əsasında hadisə yerinə Fövqəladə Hallar Nazirliyinin (FHN) əməkdaşları cəlb olunub. Həyata keçirilən xilasetmə əməliyyatı nəticəsində Ramil Asxabov təhlükəsiz şəkildə çay sahəsindən çıxarılıb.
Onun həyatına təhlükə olmadığı bildirilir.
