Təbii ki, Yeni ilin ən böyük simvollarından biri də hədiyyələrdir. Adətən insanlar dost-tanışa, yaxınlarına və üzvlərinə hədiyyələr alır və bu bayramda ən çox uşaqlar sevindirilir. Müxtəlif şirkətlərin istehsalı olan müxtəlif hədiyyələr isə dükan və mağazalarda piştaxtaları bəzəyir. Bu zaman isə cibə uyğun qiymət seçimi ortaya çıxır.
Belə ki, hədiyyələrin qiyməti 2 manatdan 70 manatadək dəyişir.
Azad İstehlakçılar Birliyinin sədri Eyyub Hüseynov bildirib ki, görünüşü ilə gözoxşayan hədiyyə qutularında adətən vaxtı keçmiş məhsullar olur:
“Biznes qurumları pis şəraitdə saxlanılan, sıradan çıxan məhsulları qutuların içinə doldururlar. Qutunun üzərində olan tarix onun qablaşdırılma tarixidir. İçərisindəki məhsulların hamısında müəyyən tarix olmalıdır. Alıcılar hədiyyə qutularında vaxtı keçmiş məhsullarla rastlaşdıqda, onu kassa çeki ilə birgə qaytarmaq hüquqları var”.
Ətraflı ATV-nin süjetində:
