Zeyid kəndi Quba rayonunun Buduq inzibati ərazi vahidində, Baş Qafqaz silsiləsinin yamacında, dağlıq ərazidə yerləşir.
Kəndin adı, həmçinin Zeyd və Zeid kimi də tanınır. Yerli əhali kəndin adının “seyid” sözündən yaranmasını iddia edir. Buna səbəb isə kənddə Əmir Seyidli adlı şəxsə məxsus olan altı qədim məhəllənin olmasıdır.
Digər məlumata görə, kəndin adı türk dilindəki “zəy” - “sulu yer, bulaqlı yer” mənasındadır. Bunu da kəndin ərazisində çox bulağın olması ilə əlaqələndirirlər.
1796-cı ildə Quba xanlığı mahallara bölünmüşdür və Zeyid kəndi Dağıstan mahalına aid olunmuşdur. Quba və Xaçmaz rayonları ərazisində Ağbil, Zeyd, Qəcər Zeyid, Aşağı Zeyid, Qaracik- Zeyid kəndləri yaranmışdır.
1911-ci ilə aid olan “Qafqaz təqvimi”ndə əhalinin siyahıyaalınması məlumatına əsasən, kəndin əhalisi 285 nəfər təşkil edib. Rəsmi statistik məlumata əsasən, 2009-cu ildə kənddə 252 nəfər yaşayıb.
İstinad edilən mənbələr:
