Böyük Muruq kəndi Qusar rayonunda, Böyük Qafqazın Yan silsiləsinin ətəyində yerləşir. Kəndin yaranma tarixi orta əsrlərə aiddir. “Muruq” oykonimi ilk dəfə X əsrə aid mənbələrdə qeyd olunub.
Yerli əhali kəndi “ЧIехи Муругъ” adlandırır. Ləzgi dilindən “чIехи” - “böyük” kimi tərcümə olunur. Ehtimal edilir ki, “muruq” - “muxur” sözünün fonetik dəyişikliyə uğramış formasıdır. Toponimiyada “muxur” - “keçə alaçıq” mənasında işlənir. Oykonim “böyük oba, böyük aul” mənasını ifadə edir. Həmçinin digər versiyaya görə, kəndin toponimi ləzgi dilindən tərcümədə “murk” - “buz” deməkdir. Beləliklə, kəndin adı “buzlu düzənlik” anlamındadır.
Yerli əhali arasında kəndin belə adlandırılması haqqında bir rəvayət mövcuddur. Vaxtilə Muruq adlı monqol-tatar kəndin ərazisindən keçəndə burada bir neçə müddət qalıb. Bu səbəbdən kəndin adı bir müddət sonra onun adını daşımağa başlayıb.
Kənddə qədim qəbiristanlıqlar mövcuddur. Bəzi qəbir daşlarının üzərində ərəb dilində yazılar var, digərlərində isə yazı yoxdur. Həmçinin qəbirlərin üzərində işarələr və xətlərlə bəzədilən daşlar da var.
Böyük Muruq kəndinin ərazisində Suval, Verxer, Apul, Sona, But-but, Üzdən, Laran, Neqi, Pikin, Qaya, Qayi adları verilən bulaqlar mövcuddur. Onların arasında Dərviş və Səngər bulaqları qədimlərindən sayılır. Burada, həmçinin Kənarçay axır.
2018-ci ildə Böyük Muruq kəndində əhalinin sayı 600 nəfər təşkil edirdi. Əhali, əsasən, heyvandarlıq, əkinçilik, maldarlıq, bostançılıq, bağçılıq və kənd təsərrüfatı ilə məşğuldur.
[caption id="attachment_23216" align="alignnone" width="300"]
Photo Shimal.News[/caption]
İstinad edilən mənbələr:
