28 il əvvəl mərhum xalq artisti, səhnəmizin "Gəray bəy"i Həsənağa Turabovun böyük oğlu Daşqın Turabovu qətlə yetirən cinayətkar illər sonra danışıb.
Bizim.Media-nın məlumatına görə, söhbət hazırda səfil və əyyaş həyatı yaşayan 65 yaşlı Əlişir Tağıyevdən gedir.
O, 15 illik həbsdən sonra azadlığa çıxıb, hazırda səfil və əyyaş həyatı yaşayır.
Böyük Həmyə kəndi ərazisində, köhnə dəmir vaqonda qalan Əlişir dəniz sahilində balıqçı qayıqlarını mühafizə edir.
O, 28 il əvvəl törətdiyi qətllə bağlı danışanda dayanmadan "Daşqın mənim dostum olub, onu öldürmək fikrim olmayıb"- deyib.
Xatırladaq ki, Azərbaycan polisinin cəsur, qorxmaz nümayəndələrindən olan Daşqın Həsənağa oğlu Turabov Siyəzən polis şöbəsinin əməliyyat müvəkkili olub. O, 1997-ci il mart ayının 11-dən 12-ə keçən gecə silahlı cinayətkarın gülləsinə tuş gələrək həyatını itirib.
Atılan 13 güllədən 6-sı Daşqına dəyib. Onu dərhal xəstəxanaya çatdırsalar da, hadisədən sonra 58 dəqiqə yaşayıb. Hətta həkimdən onu sağaltmasını istəyib. Amma öləcəyini hiss etdiyindən kəlmeyi-şəhadətini söyləyərək, gözlərini əbədi olaraq yumub.
Daşqın Turabovun ölümündən sonra Siyəzən polis şöbəsinin həyətində onun büstü qoyulub, şöbənin yerləşdiyi küçəyə isə adı verilib.
