Bu gün polkovnik Tehran Mənsimovun 50 yaşı tamam olur. Bu barədə ShimalNews 24 avqust tarixində məlumat verir.
Azərbaycan Silahlı Qüvvələrinin polkovniki 24 avqust 1972-ci ildə Qusar rayonunun Düztahir kəndində anadan olub.
Orta təhsilini 1989-cu ildə bitirib.1990-1992-ci illərdə ordu sıralarında qulluq edib. Könüllü olaraq Birinci Qarabağ müharibəsinə yollanıb. Qarabağ bölgəsində taqım komandirliyindən briqada komandirliyinə kimi xidmət edib.
Naxçıvan Əlahiddə Ümumqoşun Ordusunun zabiti olan “Şuşa fatehi” Vətən müharibəsində fəal iştirak edib. Noyabrın 4-dən 8-nə qədər davam edən Şuşa uğrunda döyüşlərdə şəhərə daxil olan ilk zabitlərdən olub.
Tehran Mənsimov "İgidliyə görə", "Vətən uğrunda", "Xocavəndin azad olunmasına görə”, "Füzulinin azad olunmasına görə", "Şuşanın azad olunmasına görə” medalları və “Azərbaycan Bayrağı” ordeni ilə təltif edilib.
